काठमाडौं, ४ असार । कैलालीका कारागारमा मृत्यु एक जनाको भएका छन् ।
भागेश्वर गाउँपालिका–५ का २८ वर्षीय हरिषसिंह पालीको कैलाली कारागारमा पक्राउ गरेको दुई दिनमै मृत्यु भएको हो । पालीको मृत्यु शंकास्पद भएको भन्दै जिल्ला सदरमुकाम डडेल्धुरामा स्थानीय आन्दोलित गरेका छन् ।
मृतकको शरीरमा निलडाम र घाउ देखिएपछि उनका आफन्तले प्रहरी हिरासतमा पालीको मृत्यु शंकास्पद् भएको आरोप लगाएको छ । मृतक पाली बैंकिङ कसूरमा गत २९ फागुनमा कैलाली जिल्ला अदालतले १० दिन कैद र दुई लाख जरिवाना तोकेको थियो ।
सोही सजाय कार्यान्वयन गर्न पालीलाई डडेलधुराको अमरगढी नगरपालिका–५ स्थित तुफानडाँडाबाट पक्राउ गरिएको थिए । केही दिनअघि पक्राउ परी कारागार चलान गरिएका पाली असार २ गते राति बिरामी भएपछि अस्पताल पु¥याइएको र उपचारका क्रममा मृत्यु भएको दाबी प्रहरीले जनाएको छ ।
परिवारले पनि यसलाई सामान्य मृत्यु नभई पूर्वनियोजित हत्या भएको जनाएका छन् । कारागार प्रशासनले सीसीटीभी फुटेज बिग्रिएको भन्दै नदेखाएपछि आफन्तको आशंका झनै बढेको हो । परिवारले निष्पक्ष छानबिन र दोषीलाई कारबाही नभएसम्म शव नबुझ्ने अडान लिएको छ ।
शव दुई दिनदेखि अस्पतालमै छ । उक्त घट्नालाई लिएर जिल्ला सदरमुकाम डडेल्धुराका स्थानीय र व्यापारी आन्दोलित भएको हो । स्थानीयले बुधबार दिनभर बागबजार र राजमार्ग अवरुद्व गरेका छन् ।
पालीको प्रहरीले नै हत्या गरेको आरोप लगाउँदै डडेलधुरा सदरमुकाम बजार र राजमार्ग बन्द गरिएको हो । घटनाको अनुसन्धान हुनुपर्ने माग गर्दै बजार र राजमार्ग बन्द गरिएको उद्योग वाणिज्य संघ डडेल्धुराका उपाध्यक्ष दीपक महताले जनाएको हो ।
