काठमाडौं, २७ वैशाख । थाइल्याण्डमा जारी आईसीसी महिला टी–२० विश्वकप एसिया छनोटको आफ्नो दोस्रो खेलमा नेपालले बहराइनमाथि ९ विकेटको जित निकालेको छ ।
तेरथाइ क्रिकेट ग्राउण्डमा बहराइनले दिएको ४२ रनको लक्ष्य नेपालले ४ बल अगावै पूरा ग¥यो । नेपालका लागि ओपनर कविता कुवरले सर्वाधिक १८ रन बनाइन् ।
उनले ११ बलमा ४ चौका प्रहार गरिन् । ओपनर सम्झना खड्का १० बलमा १३ बनाएर अविजित रहिन् । कप्तान इन्दु बर्मा ५ बलमा ७ रन बनाएर नटआउट रहिन् ।
वर्षाका कारण खेल ५र५ ओभरको खेलाइएको थियो । त्यसअघि पहिला ब्याटिङ गरेको बहराइनले ५ ओभरमा १ विकेट गुमाएर ४१ रन बनाएको थियो ।
बहराइनका लागि दिपिका रसंगिकाले सर्वाधिक ३४ रन बनाएकी थिइन् । पहिलो खेलमा नेपालले हङकङसंग अंक बाढेको थियो ।
