काठमाडौं, २१ वैशाख । काठमाडौँको एक स्कुलमा कक्षा १२ को प्रश्न पत्र आउट भएपछि अनुसन्धान सुरु भएका छन् । राष्ट्रिय परीक्षा बोर्ड र जिल्ला प्रशासन कार्यालयको टोलीले छानबिन गरेको हो ।
काठमाडौँ वल्र्ड स्कुलको परीक्षा केन्द्र चाणक्य कलेजमा पुगेर टोलीले अनुसन्धान गरेको छ । आईतवार बिहान परीक्षा सुरु हुनुअघिमा विद्यार्थीको हातमा प्रश्न पत्र पुगेका लगर्तै सार्वजनिक भएपछि भक्तपुरका प्रमुख जिल्ला अधिकारी गोपालप्रसाद अर्यालसहितको टोली अनुगमनमा गएको हो ।
छानबिनका क्रममा टोलीले पुरानो प्रश्न पत्र साटासाट गरेको पाइएको अनुगमन टोलीले जनाएको छ । आज बिहान ७ः ४५ बजेतिर प्रश्न पत्र बाहिरिएको भन्दै विद्यार्थीहरूले मोबाइलबाट साटासाट गरेका थिए ।
विद्यार्थीहरूले प्रश्न साटासाट गरिरहेको भिडियो समेत बनाइएको थियो । त्यसपछि प्रश्न पत्र बाहिरको भन्ने विषयमा चर्चामा आएको हो । त्यसपछि कलेजको परीक्षार्थीको मोबाइल जफत गरेर चेकअप गरेको थियो । मोबाइल चेकअपको क्रममा पुरानो प्रश्न पत्र साटासाट गरेको पाइएको बोर्डले बताएको छ । ‘प्रश्न पत्र साटासाट भएको देखियो ।
एक छात्राले आफ्नो मोबाइलमा प्रश्न पत्र आएको भन्दै खुसी व्यक्त गरेपछि प्रश्न पत्र बाहिरिएको विषय सार्वजनिक भएको थियो । अघिल्लो वर्ष पनि काठमाडौँ वल्र्ड स्कुलका विद्यार्थीलाई प्रश्न पत्र आउट भएको विषय सार्वजनिक भएको थियो ।
