काठमाडौं, ८ वैशाख । दाङमा एक व्यक्तिले आफैंलाई गोली हानेको छ ।
तुलसीपुर उपमहानगरपालिकाको मोतीपुरका नारायण आचार्यले घरमा भएको बन्दुकले आफनौलाई गोली चलाएकोे हो । उनको मृत्यु भइसकेको लुम्बिनी प्रदेश प्रहरी कार्यालय तुलसीपुरका प्रवक्ता एवं एसएसपी जनार्दन जीसीले जानकारी दिएको हो ।
लाइन्सेन्सवाला बन्दुकले आज सोमवार घरमा आफैंमाथि गोली चलाएको पाइएको छ । आचार्य रेडक्रस दाङका पूर्वअध्यक्ष हुन् । उनले किन आफैंमाथि गोली चलाए भन्ने खुलेको छैन ।
गोली चलेको जानकारी प्रहरीले आज दिउँसो साढे ३ बजे पाएको थियो । लगत्तै डीएसपी नेतृत्वको एक टोली घटनास्थलमा पुगेको थियो ।
प्रारम्भिक अनुसन्धानमा आचार्यले आत्महत्या गरेको जस्तो देखिए पनि यसबारे थप अनुसन्धान भइरहेको प्रहरीले जनाएको हो ।
