काठमाडौँ, ५ चैत । कर्णाली नदी तर्ने क्रममा बेपत्ता मजदुरको शव फेला परेको छ ।
कर्णाली करिडोरको घाटचौर–लैफु सडकमा काम गर्ने मजदुर सोमबार नदीमा बेपत्ता भएको थियो ।
ड्रमको डुंगा चढेर कर्णाली नदी तर्ने क्रममा बेपत्ता भएका मुगुको छायाँनाथ रारानगरपालिका–१० का २३ वर्षीय देवनाथ सेजुवाल शव मंगलबार फेला परेको प्रहरीले जानकारी दिएको छ ।
जिल्ला प्रहरी कार्यालय कालिकोटका प्रहरी निरीक्षक किशोरकुमार केसीले बेपत्ता युवकको शव आफन्तको जिम्मा लगाएइको बताएको छ ।
उनका अनुसार सेजुवाल १० महिनादेखि कर्णाली करिडोरमा ज्याला मजदुरी गदै थियो ।
उनी सोमबार कर्णाली नदी पारिबाट डिजेल राख्ने ड्रम जोडेर बनाइएको डुंगा चढेर काम गर्ने ठाउँमा जाँदै गर्दा खसेर बेपत्ता भएका थिए ।
