जनकपुर, ६ फागुन । धनुषाको विदेह नगरपालिकामा प्रमुख प्रशासकिय अधिकृत ई.दिपेन्द्र साहले लेखा शाखा प्रमुख रशिलाल दासलाई चेक काट्नको लागि दबाब दिएका छन् ।
लेखा शाखा प्रमुख दासले जनाए अनुसार, उनी मेयर र अधिकृत बीचको विवादका कारण आफ्ना कार्यहरूमा न्यूट्रल भएर काम गर्दै आएका थिए ।
यसै विषयमा दासले भने, “विवाद समाधान नभएसम्म मैले आर्थिक कारोबार नगर्ने निर्णय लिएको थिएँ ।“ उनले थपे, “मलाई सोमबार मात्र अधिकृत साहको सरुवा बारे थाहा भएको थियो, तर आज ई. साहले फोन गरेर मलाई भन्नुभयो कि तपाईं कर्मचारीलाई तलब किन दिनु भएको छैन?“ दासका अनुसार “तपाईं कर्मचारीलाई कसरी तलब दिन सक्नुहुन्छ, यहाँ कुनै कर्मचारी छैन ।
म तपाईंलाई लगायत सबै लाई बर्खास्त गरिदिन्छु ।“ यसपछि, अधिकृत साहले दासलाई लेखित रूपमा पेश गर्न दबाब दिँदै भने, “तपाईंले मलाई लेखित दिनुहोस् कि म यहाँ काम गर्न सक्दिन, र म तपाईंलाई बर्खास्त गर्ने कदम उठाउँछु ।
यस विवादमा, दासले भने, “तपाईंको सरुवा भइसकेको छ, तपाईंको कुरा मैले किन मान्ने?“ यो जस्ता तर्कहरूका बीच, अधिकृत साहले दासलाई धम्की दिँदै भने, “म तपाईंलाई हेराईदिन्छु ।
नगर प्रमुख बेचन दाससँग जानकारी लिन खोज्दा, उनले अधिकृत साहको सरुवा प्रक्रिया पूरा भइसकेको पुष्टि गरे ।
