जनकपुर, २१ माघ । धनुषा जिल्लाको विदेह नगरपालिकाका नगर प्रमुख बेचन दासले आजको सरस्वती पूजा उत्सवलाई धुमधामका साथ मनाउन सबैलाई आग्रह गरेका छन् ।
प्रमुख दासले भने, “हाम्रो नगरपालिकाको सम्पूर्ण विद्यालयहरूमा सरस्वती माताको मन्दिर स्थापना गरिएको छ, र यसै मन्दिरमा सबै विद्यार्थीहरूले पूजा गर्ने व्यवस्था गरिएको छ ।
नगर प्रमुखले विद्यालयका शिक्षक र विद्यार्थीहरूलाई आफ्नै स्कूल मन्दिरमा पूजा गर्न प्रेरित गर्दै, यसपटक बाहिरका विद्यालयहरूमा भएका केही अस्वस्थ परम्पराहरूको आलोचना गरे ।
उनले भने, “कसैलाई मनपरेको विधिको लागि शिक्षकहरू र विद्यार्थीहरूले पैसा उठाउने र त्यो पैसा अयोग्य तरिकाले खर्च गर्ने उदाहरणहरू मानेका छन् ।
यसका साथै, केही विद्यालयहरूमा पूजा पछि मूर्ति विसर्जनको दिन डिजेमा अस्लिल गीत बजाउने कुकर्म भइरहेको छ । नगर प्रमुख दासले थपे, “मैले यस नगरपालिका क्षेत्रका सबै विद्यालयहरूमा सरस्वती माताको मन्दिर स्थापना गरेर यस पर्वको सही उद्देश्यमा केन्द्रित गरिने व्यवस्था गरेका छौँ ।
साथै, उनले यस सम्बन्धित केही असन्तुष्ट व्यक्तिहरूले मलाई बदनाम गर्ने प्रयास गरेको भन्दै, “कसैले मलाई बदनाम गर्न र भ्रम फैलाउन विभिन्न भिडियोहरू बनाउन लगाएका छन्,“ भनेर स्पष्ट पारे ।
सरस्वती पूजा केवल विद्या र बुद्धिको देवीको पूजा मात्र होइन, यस दिनलाई पवित्र र अनुशासनपूर्ण तरिकाले मनाउनका लागि नगर प्रमुख दासले गरेको पहल निकै महत्वपूर्ण छ ।
