काठमाडौं, १४ असार । हतारमा बामपन्थी वा पार्टी एकता गर्ने पक्षमा नरहेको प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले बताएका छन् ।
शुक्रबार चितवनको भरतपुर विमानस्थलमा पत्रकारहरु समक्ष आफ्नो धारणा राख्दै प्रचण्डले विगतमा पार्टी एकताको नाममा भएको दुर्घटनाबाट पाठ सिक्दै हतारमा बामपन्थी वा पार्टी एकता गर्ने पक्षमा नरहेको बताएका छन् ।
पार्टी एकता एकताभन्दा राजनीतिक स्थायीत्व र लोकतन्त्रको सुदृढीकरणलाई बढी जोड दिदै जाने र राम्रो सहकार्य गर्दै काम गर्दै जाने उनले बताए ।
पार्टी एकताका नाममा पुरानै दुर्घटना नहोस् भन्नेमा सचेत रहेको प्रचण्डले धारणा राखे । त्यस्तै, किसानहरुलाई मलको अभाव हुन नदिन राम्रो तयारीमा रहेको उनले बताए । उनले चितवनमा केरा किसानहरुलाई क्षतिपूर्ति दिने विषयमा छलफल भइरहेको जानकारी दिनुभयो ।
