सुर्खेत, १७ जेष्ठ । सुर्खेतमा बिहीबार आज बिहानै जिप दुर्घटना हुदा चार जनाको मृत्यु भएको छ ।
सुर्खेतबाट कालिकोट जाँदै गरेको भे १ च २५६० नम्बरको बोलेरो जिप सुर्खेत–दैलेख सडकखण्ड अन्तर्गत वीरेन्द्रनगरस्थित रातानाङ्गला नजिकै दुर्घटना भएको छ ।
प्रहरीका अनुसार जिप सडकबाट ३ सय मिटर तल खसेको छ । जिप बिहीबार बिहान दुई बजेतिर दुर्घटना भएको भएपनि ढिलो गरी मात्रै प्रहरी घटनास्थलमा पुगेर उद्धार कार्य सुरु गरेकाके छ ।
जिपमा ८ जना सवार रहेको अनुमान गरिएको छ । अहिलेसम्म दुई जनाको शव उद्धार गरेर सडकमा ल्याइएको र बाँकी दुई जनाको शव ल्याउने तयारी भइरहेको जिल्ला ट्राफिक कार्यालय सुर्खेतका प्रहरी निरीक्षक राजन पौडेलले जनाएके छ ।
बाँकीको खोजी कार्य पनि भइरहेको उनले बताए ।
