जनकपुरधाम, २७ वैशाख । धनुषामा बाली संरक्षण गर्न खेतमा लगाएको विद्युतीय बारमा करेन्ट लागेर एक युवकको मृत्यु भएको छ ।
मृत्यु हुनेमा धनुषाको बटेश्वर गाउँपालिका २ धुमासन बस्ने जोगेन्द्र महतोका २३ वर्षीय छोरा अमरेश कुमार महतो रहेको छन् ।
धनुषाका प्रहरी प्रवक्ता डिएसपी रञ्जन अवाका अनुसार अमरेशको शव आज बिहान स्थानीय पदम लामाको खेतमा फेला परेको छ ।
निलगाइबाट परबल बाली जोगाउन खेतमा लगाइएको बारमा जडान गरेको विद्युतीय तारमा करेन्ट लागेर अमरेशको मृत्यु भएको छ ।
शव पोस्टमार्टमका लागि प्रादेशिक अस्पताल जनकपुरमा राखिएको छ ।
घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
