जनकपुरधाम, १४ वैशाख । सिरहामा आमाले आफ्नै पाँच वर्षीय छोराको हत्या गरी सुत्ने पलंगमा शव लुकाएको फेला परेको छ ।
सिरहाको सखुवानन्कारकट्टी गाउँपालिका ५ घर भई हाल लहान नगरपालिका १ मा बस्ने ३४ वर्षीया सरीता कुमारी साहले ५ वर्षीय छोरा आयुश साहको हत्या गरेको प्रहरीले खुलाएको छ ।
सिरहाका प्रहरी प्रवक्ता डिएसपी मुक्तिनाथ सापकोटाका अनुसार गत वैशाख ११ गते अपराहन्न साढे ५ बजे स्थानीयले बालक बेपत्ता भएको प्रहरीलाई खबर गरेका थियो ।
प्रहरी टोलीले खोजतलाश गर्दै जाँदा आमा सरीता सुत्ने कोठामा रहेको बक्स पलङ्गको घर्राभित्र मृत अवस्थामा छोरा आयुस फेला परेको छ ।
आमा सरीतालाई सोही दिन पक्राउ गरी सिरहा जिल्ला अदालतबाट कर्तव्य ज्यान मुद्दामा ७ दिनको म्याद थप गरेर अनुसन्धान गरिरहेको जिल्ला प्रहरी कार्यालय सिरहाले जनाएको छ ।
