महोत्तरी, १० वैशाख । महोत्तरीमा मोटरसाइकल दुर्घटना हुँदा श्रीमान श्रीमतीको मृत्यु भएको छ ।
सोमबार बर्दिबासमा भएको मोटरसाइकल दुर्घटनामा सर्लाहीको ईश्वरपुर–५ का ३५ वर्षीय मनोज चौधरी र उनकी श्रीमती २४ वर्षकी शिवानी चौधरीको मृत्यु भएको प्रहरीले जनाएको छ ।
दुबैजना सवार प्र. ०२–०४३ प ७१८४ नम्बरको मोटरसाइकल बर्दिबास नगरपालिका–२ कालापानी जंगल क्षेत्रमा दुर्घटना भएको थियो ।
दुर्घटनामा गम्भीर घाइते भएका दुवैको उपचारका लागि जनसेवा अस्पताल, बर्दिबास लैजाने क्रममा बाटैमा मृत्यु भएको प्रहरीले जनाएको छ ।
