काठमाडौं, १ कात्तिक । जनता समाजवादी पार्टी (जसपा) नेपालले नेकपा एमालेसँग सरकार गठन वा सहकार्यबारे कुनै सहमति नभएको स्पष्ट पारेको छ।
एमाले अध्यक्ष केपी शर्मा ओलीसँगको भेटको तस्बिर सार्वजनिक भएपछि जसपा नेपालका अध्यक्ष उपेन्द्र यादवले सामाजिक सञ्जालमार्फत पार्टीको धारणा सार्वजनिक गरेका हुन्।
यादवका अनुसार पार्टीले सरकारमा सहभागी हुने विषयमा कुनै निर्णय गरेको छैन। कुनै दलसँग समझदारी नभएको र सरकार गठनका लागि दाबी वा समर्थनसमेत नमागिएको उनले बताएका छन्।
फरक प्रसङ्गको तस्बिरलाई आधार बनाएर भ्रामक प्रचार गरिएको भन्दै यादवले त्यस्ता समाचारको भ्रममा नपर्न आग्रह गरेका छन्।
