काठमाडौं, २१ असोज । अर्जेन्टिनाका स्टार फुटबलर लियोनल मेसीले राष्ट्रिय टोलीबाट आफ्नो अन्तिम खेल गोलसहित पूरा गर्दै भावुक बिदाइ लिएका छन् ।
ब्युनस आयर्सस्थित मोनुमेन्टल रंगशालामा बेनिनविरुद्ध भएको मैत्रीपूर्ण खेल मेसीको अर्जेन्टिनाका लागि २१ वर्ष लामो अन्तर्राष्ट्रिय यात्राको अन्तिम अध्याय बन्यो ।
८५ हजारभन्दा बढी दर्शक उपस्थित रंगशालामा मेसीलाई समर्थकले ग्रासियास भन्दै भावुक बिदाइ दिए।
खेलअघि राष्ट्रिय टोलीको बसमा रंगशाला पुग्दा र राष्ट्रिय गान बज्दा मेसी भावुक बनेका थिए । उनको सम्मानमा खेलको १०औँ मिनेटमा खेल रोक्दै दर्शकले एक मिनेटसम्म ताली बजाए । बेनिनका खेलाडीले पनि मेसीसँग हात मिलाउँदै सम्मान व्यक्त गरे ।
मेसीको अन्तिम खेललाई अर्जेन्टिनी फुटबल संघले द लास्ट ट्याङ्गो नाम दिएर विशेष बिदाइ कार्यक्रमका रूपमा आयोजना गरेको थियो ।
