काठमाडौं, १८ असोज । नागरिक उन्मुक्ति पार्टी नेपालका संस्थापक एवं संरक्षक रेशमलाल चौधरीले नयाँ पुस्ताका नेताहरूबाट पनि देश निर्माणको स्पष्ट संकेत नदेखिएको भन्दै चिन्ता व्यक्त गरेका छन्।
नेपाली कांग्रेसको १५औँ महाधिवेशनको उद्घाटन समारोहलाई सम्बोधन गर्दै चौधरीले विगतमा कपाल फुलेका नेताहरूले देश बिगारेको आरोप लाग्ने गरेको भए पनि अहिलेका युवा नेताहरूले समेत अपेक्षाअनुसार काम गर्न नसकेको बताए।
कांग्रेस नेता गगन थापातर्फ संकेत गर्दै उनले अब केही कपाल र दाह्री फुलेको पुस्ताले देश बनाउने विश्वास व्यक्त गरे।
