काठमाडौं, १८ असोज । नेपाली कांग्रेसको १५औँ महाधिवेशन आजदेखि काठमाडौंको खुलामञ्चमा सुरु हुँदैछ।
महाधिवेशनका लागि खुलामञ्चलाई आकर्षक ढंगले सजाइएको छ भने देशभरबाट आएका प्रतिनिधिहरूको उपस्थितिसँगै चुनावी माहोल बढेको छ।
उम्मेदवारी घोषणा गरेका नेताका समर्थक तथा प्रतिनिधिहरूले प्रचारप्रसार गर्दै मत मागिरहेका छन्। महाधिवेशनको उद्घाटन समारोह दिउँसो २ बजे हुने तय गरिएको छ।
उद्घाटन कार्यक्रममा विभिन्न राजनीतिक दलका शीर्ष नेता तथा विदेशी प्रतिनिधिको सहभागिता रहनेछ। महाधिवेशनलाई व्यवस्थित बनाउन ठूलो संख्यामा स्वयंसेवक र सुरक्षाकर्मी परिचालन गरिएको छ।
