काठमाडौं, ३१ भदौ । भोटेकोशी बाढीपछि उत्पन्न जोखिम न्यूनीकरण तथा व्यवस्थापनका लागि संसदीय विशेष समिति गठन गर्न सभामुखसमक्ष आग्रह गर्ने निर्णय भएको छ।
बुधबार सिंहदरबारस्थित राष्ट्रिय स्वतन्त्र पार्टी (रास्वपा) संसदीय दलको कार्यालयमा बसेको सर्वदलीय बैठकले विपद्पछिको अवस्था प्रभावकारी रूपमा व्यवस्थापन गर्न विशेष समिति आवश्यक रहेको निष्कर्षसहित सभामुखलाई आग्रह गर्ने निर्णय गरेको हो।
बैठकमा बाढीबाट प्रभावित क्षेत्रको अवस्था, जोखिम न्यूनीकरण तथा आगामी दिनमा अपनाउनुपर्ने व्यवस्थापनका उपायबारे छलफल भएको थियो।
