काठमाडौं, १७ भदौ। नेकपाका अध्यक्ष तथा पूर्वप्रधानमन्त्री पुष्पकमल दाहालले विपद्का बेला प्रधानमन्त्री बालेन्द्र शाहको कार्यशैलीप्रति प्रश्न उठाएका छन्।
बुधबार प्रतिनिधिसभा बैठकमा बोल्दै दाहालले भोटेकोशी बाढीपीडितको उद्धारमा सरकारले प्रभावकारी भूमिका खेल्न नसकेको आरोप लगाए। विपद्का समयमा विपक्षीसहित सबै दलको विश्वास लिएर अघि बढ्नुपर्ने उनको भनाइ थियो।
प्रधानमन्त्री शाह संसद्मा आएर सम्बोधन गरेकोमा प्रशंसा गर्दै दाहालले संसद्मै देखिएको उनको व्यवहार भने उचित नभएको टिप्पणी गरे। उनले रास्वपालाई जनताले दिएको अवसर नगुमाउन आग्रह गर्दै प्रधानमन्त्री शाहलाई समयले सधैँ नपर्खिने चेतावनीसमेत दिए।
