काठमाडौं, १७ भदौ। प्रमुख प्रतिपक्षी नेपाली कांग्रेसका नेता भीष्मराज आङ्देम्बेले भोटेकोशी बाढीपछि सुरुङभित्र फसेका नागरिकको खोज तथा उद्धारमा भएको ढिलाइप्रति सरकारको आलोचना गरेका छन्।
बुधबार प्रतिनिधिसभा बैठकमा बोल्दै उनले उद्धारमा भएको ढिलाइलाई अमानवीय र गम्भीर विषय भन्दै तत्काल खोजी तीव्र पार्न सरकारको ध्यानाकर्षण गराए।
उनका अनुसार अझै ६२ जिल्लाका ३ हजार ९१६ जना नागरिक सम्पर्कविहीन रहेको विवरण आएको छ। सुरुदेखि नै सरकारी, निजी तथा आवश्यकताअनुसार अन्तर्राष्ट्रिय प्रविधि र दक्ष जनशक्ति परिचालन गरेर उद्धारमा केन्द्रित हुनुपर्ने उनको भनाइ छ।
