काठमाडौं, १५ भदौ । काठमाडौँ । भोटेकोसी बाढीमा मृत्यु हुनेको संख्या ९३९ पुगेको छ भने अझै ३ हजार ९२५ जना सम्पर्कविहीन रहेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ।
सोमबार साँझसम्म नदी किनारका विभिन्न स्थानबाट ९३९ शव फेला परेका छन्। चितवनमा सबैभन्दा बढी २७९ शव भेटिएका छन्। यस्तै नवलपरासी पूर्वमा २१६, नवलपरासी पश्चिममा १६८, नुवाकोटमा ९५, गोरखामा ६५, धादिङमा ५५, तनहुँमा ३८ र रसुवामा २३ शव फेला परेको प्राधिकरणले जनाएको छ।
बाढीपछि सम्पर्कविहीनमध्ये रसुवा र नुवाकोटका जलविद्युत् आयोजनामा कार्यरत ६३९ कर्मचारी तथा मजदुर रहेका छन्। उद्धार तथा खोजी कार्य जारी रहे पनि केही जलविद्युत् आयोजनाका सुरुङमा पानी र भग्नावशेषका कारण उद्धारमा कठिनाइ भइरहेको छ।
