काठमाडौं, १५ भदौ । भोटेकोशी बाढी प्रभावित क्षेत्रको उद्धार, राहत र व्यवस्थापनबारे प्रधानमन्त्री बालेन्द्र शाह र राष्ट्रिय स्वतन्त्र पार्टी (रास्वपा) सभापति रवि लामिछानेबीच सोमबार सिंहदरबारमा छलफल भएको छ।
प्रधानमन्त्रीका प्रवक्ता जगदीश खरेलका अनुसार भेटमा बाढीपीडितका समस्या र राहत व्यवस्थापनलाई प्रभावकारी बनाउने विषयमा कुराकानी भएको हो।
लामिछानेले यसअघि प्रभावित पालिका प्रमुख, बागमती प्रदेशका मुख्यमन्त्री तथा पार्टीको संयन्त्रसँग छलफल गरी समस्या बुझेका थिए।
प्रभावित क्षेत्रमा बाढी गएको ६ दिन बितिसक्दा पनि उद्धार तथा राहत प्रभावकारी नभएको गुनासो आएको थियो।
