काठमाडौं, १४ भदौ । मौसम पूर्वानुमान महाशाखाका अनुसार आज देशका अधिकांश भूभागमा मेघगर्जन र चट्याङसहित वर्षाको सम्भावना रहेको छ।
हाल लुम्बिनी, कर्णाली र सुदूरपश्चिमका केही स्थानमा मध्यम वर्षा भइरहेको छ। दिउँसो हिमाली तथा पहाडी क्षेत्रमा धेरै स्थानमा मध्यम वर्षा र हिमपात हुनसक्ने महाशाखाले जनाएको छ।
कोसी, बागमती, गण्डकी, लुम्बिनी, कर्णाली र सुदूरपश्चिमका केही स्थानमा भारी तथा कर्णाली र सुदूरपश्चिमका पहाडी क्षेत्रमा एक–दुई स्थानमा धेरै भारी वर्षाको सम्भावना छ।
रातिसमेत विभिन्न प्रदेशमा वर्षा जारी रहने तथा कोसी र बागमतीका केही क्षेत्रमा भारी वर्षा हुनसक्ने पूर्वानुमान गरिएको छ।
