काठमाडौं, १३ भदौ । प्रधानमन्त्री बालेन्द्र शाहले भोटेकोशी बाढीपहिरोपछि सरकारले तीव्र रूपमा उद्धार, राहत र पुनःस्थापनाको काम गरिरहेको बताएका छन्। उनका अनुसार शनिबार साँझसम्म ७ हजार ५१४ जनाको उद्धार गरिएको छ।
उद्धारमा नेपाली सेना, नेपाल प्रहरी र सशस्त्र प्रहरीका १८ हजार ७०८ सुरक्षाकर्मी परिचालन भएका छन्। नेपाली सेनासँगको समन्वयमा भारतीय र चिनियाँ विज्ञ टोलीसमेत उद्धारमा खटिएका छन्। १६ वटा हेलिकप्टरमार्फत हालसम्म २३६ उडान गरिएको प्रधानमन्त्री शाहले बताएका छन्।
बाढी प्रभावित क्षेत्रमा घाइतेको उपचार, अस्थायी शिविर सञ्चालन, राहत वितरण, सञ्चार सेवा र सडक सञ्जाल पुनःस्थापनाको काम जारी रहेको उनले बताए।
हालसम्म विभिन्न जिल्लामा ६७५ शव फेला परेको र पहिचान भएका शव आफन्तलाई बुझाउने तथा पहिचान हुन नसकेका शवलाई कानुनी प्रक्रियाअनुसार व्यवस्थापन गर्ने काम भइरहेको जनाइएको छ।
