काठमाडौं, १३ भदौ । सरकारले भोटेकोशी बाढीबाट अत्यधिक प्रभावित रसुवा, नुवाकोट, धादिङ, गोरखा र तनहुँका विभिन्न स्थानीय तहलाई तीन महिनाका लागि ‘विपद् सङ्कटग्रस्त क्षेत्र’ घोषणा गरेको छ।
गृह मन्त्रालयले उक्त निर्णय नेपाल राजपत्रमा प्रकाशित गरेको हो। विपद् जोखिम न्यूनीकरण तथा व्यवस्थापन ऐन, २०७४ अनुसार गरिएको घोषणाले प्रभावित क्षेत्रमा राहत, पुनःस्थापना र पुनर्निर्माणका कामलाई प्राथमिकतासाथ अघि बढाउन सरकारलाई कानुनी सहजता मिल्नेछ।
घोषित स्थानीय तहमा रसुवाका उत्तरगया, गोसाइँकुण्ड, कालिका र आमाछोदिङमो; नुवाकोटका विदुर, बेलकोटगढी, किस्पाङ र तारकेश्वर; धादिङका गल्छी, सिद्धलेक, गजुरी र बेनीघाट रोराङ; गोरखाको गण्डकी तथा तनहुँका देवघाट र आँबुखैरेनी गाउँपालिका छन्।
