काठमाडौं, १३ भदौ । तिब्बततर्फबाट बुधबार बिहान रसुवाको भोटेकोशी नदीमा आएको विनाशकारी बाढीमा परी नेपाल प्रहरीका २७ जना अझै बेपत्ता छन् ।
नेपाल प्रहरीले सार्वजनिक गरेको विवरणअनुसार बेपत्ता प्रहरीमध्ये प्रहरी चौकी बेत्रावतीमा कार्यरत असई रामकाजी पौडेलको शव फेला परेको छ। उनको शव पहिचानपछि आफन्तले बुझिसकेका छन्।
बाढीमा बेपत्ता अन्य प्रहरीको खोजी तथा उद्धार कार्य जारी रहेको प्रहरीले जनाएको छ। बेपत्ता हुनेमा जवानदेखि सई दर्जासम्मका प्रहरी कर्मचारी छन्।
