काठमाडौं, ११ भदौ । अग्रगामी मोर्चाले बाढी–पहिरो प्रभावित क्षेत्रमा उद्धार, राहत, उपचार तथा पुनर्निर्माणका लागि सरकारसँग समन्वय गरेर काम गर्ने निर्णय गरेको छ।
मोर्चाको बैठकले अग्रगामी युवा मोर्चाको नेतृत्वमा उद्धारका लागि आवश्यक जनशक्ति परिचालन गर्ने निर्णय गरेको प्रवक्ता डा. सीके राउतले जानकारी दिए।
मोर्चाले राहत सामग्री र आर्थिक सहयोग संकलन गरी सरकारलाई एकमुष्ट हस्तान्तरण गर्ने जनाएको छ। घाइतेको उपचारमा सहयोग गर्न डम्बर रावलको नेतृत्वमा सबै आबद्ध दलबाट एक–एक सदस्य रहने टोली गठन गर्ने निर्णयसमेत भएको छ।
त्यस्तै, रसुवालगायत बाढी प्रभावित क्षेत्रमा क्षतिग्रस्त संरचनाको पुनर्निर्माण तथा पीडितको पुनर्स्थापनामा सरकारसँग सहकार्य गर्ने मोर्चाले जनाएको छ।
