काठमाडौं, ३ भदौ । राष्ट्रिय स्वतन्त्र पार्टी -रास्वपा- सभापति रवि लामिछानेले सरकारका मन्त्रीहरू फेर्ने कुनै तयारी वा छलफल नभएको स्पष्ट पारेका छन् ।
बुधबार सिंहदरबारमा सञ्चारकर्मीसँग कुरा गर्दै उनले मन्त्रीहरूले धेरै काम गर्दा केही विषयमा प्रश्न उठ्नु स्वाभाविक भएको बताए ।
उनले मन्त्रीहरूको कामबारे पार्टीभित्रै प्रश्न उठाउने र त्यसलाई सम्बोधन गर्न छलफल गरिएको भए पनि मन्त्री परिवर्तनको कुनै योजना नरहेको स्पष्ट पारे ।
