काठमाडौं, २ भदौ । पत्रकार किशोर श्रेष्ठलाई पक्राउ गर्न जिल्ला अदालत ललितपुरले अनुमति दिन अस्वीकार गरेको छ ।
उपसभामुख रुवीकुमारी ठाकुरको जाहेरीका आधारमा प्रहरीले सोमबार पक्राउ पुर्जी लिन अदालत पुगे पनि अदालतले अनुमति नदिएको हो ।
उपसभामुख ठाकुरले श्रेष्ठविरुद्ध व्यक्तिगत तस्बिर, चरित्र र प्रतिष्ठामा आँच पु¥याउने गरी भ्रामक तथा असत्य समाचार प्रकाशित गरेको आरोप लगाउँदै प्रहरीमा जाहेरी दिएकी थिइन् ।
प्रकाशित समाचारमा आफूले रक्षाबन्धन बाँधेका दाजुसँग अनैतिक सम्बन्ध रहेको आरोप लगाएर चरित्र हत्या गर्न खोजिएको उनको दाबी छ ।
यसअघि रास्वपा सांसदलाई अर्की युवतीसँग जोडेर समाचार लेखेको आरोपमा पक्राउ परेका श्रेष्ठलाई सर्वोच्च अदालतले सोमबार रिहा गर्न आदेश दिएको थियो ।
