काठमाडौं, १ भदौ । राष्ट्रिय स्वतन्त्र पार्टी -रास्वपा) का सांसदले संसद् बैठकमा अनुपस्थित हुनुपरे अनिवार्य रूपमा गुगल फाराम भर्नुपर्ने भएको छ ।
रास्वपाका मुख्य सचेतक कविन्द्र बुर्लाकोटीले सोमबार सबै सांसदलाई यस्तो निर्देशन दिएका हुन् । बैठकमा पूर्ण रूपमा उपस्थित हुन नसक्ने, ३० मिनेटभन्दा ढिला आउने, बीचमै बाहिरिने वा बाहिर गएर पुनः फर्किने सांसदले फाराम भर्नुपर्नेछ ।
संसद् बैठकलाई थप व्यवस्थित र प्रभावकारी बनाउन यस्तो व्यवस्था गरिएको बुर्लाकोटीले बताएका छन् ।
