रुपन्देही, १ भदौं । लुम्बिनी प्रदेशका मुख्यमन्त्री चेतनारायण आचार्यले प्रदेशसभाबाट विश्वासको मत पाउने भएका छन् ।
नेकपा एमाले, नेपाली कम्युनिष्ट पार्टी, राष्ट्रिय जनमोर्चा र जनता समाजवादी पार्टी नेपालले उनको पक्षमा मतदान गर्ने घोषणा गरेका छन् ।
एमालेका भोजप्रसाद श्रेष्ठ, नेपाली कम्युनिष्ट पार्टीका जोखबहादुर महरा, जसपाकी हेमा बेल्वासे र राष्ट्रिय जनमोर्चाका तारा थापाले मुख्यमन्त्री आचार्यको पक्षमा मतदान गर्ने बताएका हुन् ।
यता प्रमुख प्रतिपक्षी नेपाली कांग्रेस र जनमत पार्टीले विपक्षमा मतदान गर्ने जनाएका छन् । राष्ट्रिय प्रजातन्त्र पार्टी भने मतदानमा तटस्थ बस्ने भएको छ ।
कांग्रेसले समर्थन फिर्ता लिएपछि संवैधानिक व्यवस्थाअनुसार मुख्यमन्त्री आचार्यले विश्वासको मत लिन लागेका हुन् ।
