काठमाडौं, ३० साउन । नेपाली कांग्रेसका नेता डा. शशांक कोइरालाले बालेन्द्र शाह नेतृत्वको वर्तमान सरकारले बहुमत पाए पनि अहिलेसम्म कुनै ठोस र जनपक्षीय काम गर्न नसकेको टिप्पणी गरेका छन् ।
शनिबार काठमाडौंमा कांग्रेसको संस्थापन इतर पक्षको राष्ट्रिय भेलामा सञ्चारकर्मीसँग कुरा गर्दै कोइरालाले सरकारलाई ‘कामचलाउ’ जस्तो भएको बताए ।
उनले नयाँ नीति तथा कार्यक्रम ल्याउन नसकेको भन्दै सरकारको कार्यशैलीप्रति असन्तुष्टि जनाए । सरकार पाँच वर्ष टिक्ने वा मध्यावधि निर्वाचनमा जाने सम्भावनाबारे उनले ‘सम्भावना त भइहाल्छ नि’ भन्दै मध्यावधिको सम्भावना अस्वीकार गरेनन् ।
कोइरालाको नेतृत्वमा शुक्रबारदेखि सुरु भएको राष्ट्रिय भेला आइतबारसम्म चल्नेछ ।
