काठमाडौं, २९ साउन । नेपाली कांग्रेसका नेता तथा पूर्वगृहमन्त्री रमेश लेखकले पूर्वप्रधानमन्त्री शेरबहादुर देउवाको नेतृत्वमा कांग्रेस पुनः एकताबद्ध हुने विश्वास व्यक्त गरेका छन् ।
शुक्रबार काठमाडौंमा आयोजित संस्थापनइतर पक्षको राष्ट्रिय भेलालाई सम्बोधन गर्दै लेखकले पार्टी मानसिक रूपमा विभाजित र संगठनात्मक रूपमा खण्डित हुने अवस्थामा पुगेको बताए ।
उनले विशेष महाधिवेशनका कारण पार्टीमा विग्रहको अवस्था आएको भन्दै त्रुटि सच्याएर विशेष र नियमित कार्यसमितिलाई मिलाएर अघि बढ्नुपर्ने धारणा राखे ।
देउवाको स्वदेश आगमनले पार्टी एकताका लागि वातावरण बन्ने भन्दै लेखकले १५औँ महाधिवेशनमार्फत स्वाभाविक रूपमा नयाँ नेतृत्व आउने अवस्था हुँदाहुँदै विशेष महाधिवेशनमार्फत हतार गरिएको टिप्पणी गरे ।
