काठमाडौँ, २८ साउन । राष्ट्रिय सभामा बोल्दै सांसद धरमेन्द्र पासमानले देशमा आत्महत्या तथा आत्मदाहका घटना बढ्दै गएको भन्दै सरकारको ध्यानाकर्षण गराएका छन् ।
पासमानले विभिन्न जिल्लामा आर्थिक अभाव, मिटरब्याज तथा ऋणको समस्याका कारण नागरिकले आफ्नै शरीरमा आगो लगाएर आत्मदाह गर्नुपर्ने अवस्था देखिएको बताए ।
आत्महत्या र आत्मदाहका घटना बढिरहँदा पनि सरकार मौन देखिएको उनको आरोप छ । उनले प्रत्येक वर्ष पाँच हजारभन्दा बढी नागरिकले आत्महत्या गर्ने गरेको दाबी गर्दै यसको रोकथामका लागि सरकारले गम्भीर कदम चाल्नुपर्ने बताए ।
मिटरब्याज र आर्थिक अभावका कारण दिनहुँ नागरिकले ज्यान गुमाउनुपर्ने अवस्था अन्त्य गर्न सरकारले प्रभावकारी नीति ल्याउनुपर्ने उनको भनाइ थियो ।
पासमानले ‘नयाँ शक्ति’ के हो र यसले देशमा के परिवर्तन ल्याउँछ भन्ने प्रश्नसमेत उठाउँदै जनताको आर्थिक तथा सामाजिक समस्या समाधानलाई प्राथमिकता दिनुपर्ने बताए ।
