एजेन्सी। रोमानियामा रेलको ठक्करबाट दुई नेपाली नागरिकको मृत्यु भएको छ।
आइतबार बिहान बाकाउ जिल्लाको चिमीई रेलमार्ग क्षेत्रमा भएको दुर्घटनामा २५ र ३६ वर्षीय नेपालीको ज्यान गएको अन्तर्राष्ट्रिय सञ्चारमाध्यमहरूले जनाएका छन्। मृतकहरूको पहिचान भने अझै सार्वजनिक गरिएको छैन।
रोमानियासमेत हेर्ने बर्लिनस्थित नेपाली राजदूतावासले घटनाको पुष्टि गर्दै आवश्यक समन्वय भइरहेको जनाएको छ। रोमानियामा नेपालका करिब ५० हजार नागरिक कार्यरत रहे पनि त्यहाँ नेपालको छुट्टै दूतावास छैन।
