काठमाडौं, ८ साउन । बंगलादेशका राष्ट्रपति मोहम्मद शाहावुद्दिनले स्वास्थ्य समस्यालाई कारण देखाउँदै शुक्रबार पदबाट राजीनामा दिएका छन्।
राष्ट्रपतिको कार्यालयका अनुसार ७६ वर्षीय शाहावुद्दिनलाई अटोनोमिक न्युरोप्याथी रोग लागेको पुष्टि भएको छ। यसका कारण बेला–बेला चेतना गुम्ने समस्या देखिएपछि उनले पद त्याग्ने निर्णय गरेका हुन्।
अप्रिल २०२३ देखि राष्ट्रपतिको जिम्मेवारी सम्हाल्दै आएका शाहावुद्दिनको कार्यकालमा २०२४ को विद्यार्थी आन्दोलनपछि तत्कालीन प्रधानमन्त्री शेख हसिना देश छाड्न बाध्य भएकी थिइन्, जसले बंगलादेशको राजनीति थप अस्थिर बनेको थियो।
राष्ट्रपतिको कार्यालयका अनुसार नयाँ राष्ट्रपति निर्वाचित नभएसम्म सभामुखले कार्यवाहक राष्ट्रपतिको जिम्मेवारी सम्हाल्नेछन्।
