काठमाडौं, २२ असार । पूर्वप्रधानमन्त्री डा. बाबुराम भट्टराईले मुलुकको विकास र समृद्धिका लागि पुरानो पुस्ताले आफ्नो ज्ञान, अनुभव र सीप नयाँ पुस्तामा हस्तान्तरण गर्नुपर्ने बताएका छन् ।
उनले नयाँ पुस्ताको विज्ञान–प्रविधिमा आधारित ज्ञानलाई देशको स्रोत–साधनसँग जोडेर उपयोग गर्नुपर्नेमा जोड दिए ।
आफू रास्वपासँग नजिकिएको भन्ने चर्चा आफ्नो पुरानै विकास र समृद्धिको एजेन्डालाई अघि बढाउन नयाँ पुस्तालाई सहयोग गर्ने उद्देश्यले भएको स्पष्ट पारे ।
उनले दलगत स्वार्थभन्दा माथि उठेर नयाँ पुस्तालाई साथ दिन आग्रह गर्दै विज्ञान–प्रविधिको युगमा पुराना राजनीतिक सोच र संरचनाले मात्र देशलाई अघि बढाउन नसक्ने धारणा व्यक्त गरे ।
