काठमाडौं, २२ असार । हर्क साम्पाङले संविधान संशोधनका क्रममा संविधानका आधारभूत विशेषता नचलाउन आग्रह गरेका छन् ।
प्रतिनिधिसभाको सोमबारको बैठकमा बोल्दै उनले संघीयता, समावेशिता र धर्मनिरपेक्षता संविधानका मूल आधार भएकाले यी विषयमा छेडछाड गरिए देश पुनः अस्थिरतातर्फ जान सक्ने चेतावनी दिए ।
संविधान संशोधनका नाममा संघीयता कमजोर पार्ने प्रयास भइरहेको आरोप पनि उनले लगाए । साम्पाङले अब देश निर्माणका लागि द्वन्द्व नभई मेहनत आवश्यक रहेको उल्लेख गर्दै रगत होइन, पसिनाको क्रान्ति गर्नुपर्ने धारणा व्यक्त गरे ।
