काठमाडौं, २२ असार । यातायात व्यवस्था कार्यालय बारा परिसरमा कार्यालय प्रमुखसहित कर्मचारीले एक सेवाग्राहीमाथि कुटपिट गरेको भिडियो सार्वजनिक भएपछि मधेश प्रदेशको श्रम तथा यातायात मन्त्रालयले चासो दिएको छ ।
सामाजिक सञ्जालमा भाइरल भएको भिडियोमा निमित्त कार्यालय प्रमुख चिन्तन आचार्य सहित कर्मचारीले सेवाग्राहीमाथि हातपात गरेको देखिन्छ। घटना गत फागुनको भएको बताइएको छ ।
कार्यालय प्रमुख आचार्यले सेवाग्राही अरुण कुशवाहाले आफू पत्रकार भएको परिचय दिँदै कर्मचारीमाथि दुव्र्यवहार गरेपछि विवाद भएको दाबी गरेका छन् ।
उनले भाइरल भिडियो पूर्ण नभई अंशमात्र सार्वजनिक गरिएको र दुवै पक्षबीच पछि मिलापत्र भइसकेको बताएका छन् । यता श्रम तथा यातायात मन्त्रालयका निमित्त सचिव रञ्जित यादवले घटनाबारे मन्त्रालयमा छलफल गरी आवश्यक निर्णय लिइने बताएका छन् ।
घटनापछि कार्यालयभित्र सेवाग्राहीको सुरक्षा, कर्मचारीको आचरण र सार्वजनिक सेवा प्रवाहमाथि प्रश्न उठेको छ ।
