काठमाडौं, २१ असार । सूचना तथा सञ्चारमन्त्री डा. विक्रम तिमिल्सिनाले सरकार प्रेस स्वतन्त्रता सङ्कुचन गर्ने पक्षमा नरहेको बताएका छन् ।
नेपाल पत्रकार महासङ्घले आयोजना गरेको कार्यक्रममा उनले प्रेस स्वतन्त्रता लोकतन्त्रको आधारस्तम्भ भएकाले यसको संरक्षणमा सरकार प्रतिबद्ध रहेको स्पष्ट पारे ।
सरकारले संवैधानिक अधिकार कार्यान्वयनमा बाधा पुयाएको भए कानुनी व्यवस्था प्रयोग गर्न सकिने उल्लेख गर्दै उनले आवश्यक परे पत्रकारसँग संवाद गर्न सरकार सधैं तयार रहेको बताए ।
साथै, सरकार गैरजिम्मेवार बने त्यसबारे प्रश्न उठाउनु पत्रकारको प्रमुख दायित्व भएको पनि उनले बताए ।
