ललितपुर, २० असार । नेकपा (एमाले)का अध्यक्ष केपी शर्मा ओलीले पार्टीले अनेकौँ चुनौती, आक्रमण र कुप्रचार सामना गर्दै पनि आफ्नो लक्ष्यतर्फ निरन्तर अघि बढिरहेको बताएका छन्।
ललितपुरमा ‘जागरण अभियान’को शुभारम्भ गर्दै उनले एमालेले नेपाली समाजको जागरण, जनचेतना र परिवर्तनमा ऐतिहासिक भूमिका खेलेको दाबी गरे।
ओलीले राजनीतिक आन्दोलनलाई नदीसँग तुलना गर्दै संघर्षको यात्रामा उतारचढाव स्वाभाविक हुने बताए।
उनले वर्तमान चुनौतीबाट विचलित नहुन नेता-कार्यकर्तालाई आग्रह गर्दै सबै अवरोध पार गर्दै एमाले अझ सशक्त रूपमा अघि बढ्ने विश्वास व्यक्त गरे।
