काठमाडौं, २० असार । नेकपाका संयोजक पुष्पकमल दाहाल ‘प्रचण्ड’ले सरकारको १०० दिनको कार्यकाल उपलब्धिविहीन र पूर्णतः असफल भएको टिप्पणी गरेका छन्।
लुम्बिनी प्रदेशस्तरीय पार्टीको शपथग्रहण तथा प्रशिक्षण कार्यक्रममा सहभागी हुन बुटवल पुगेका प्रचण्डले पत्रकारसँग कुरा गर्दै जनतालाई दिइएका आश्वासनअनुसार सरकारले काम गर्न नसकेको बताए।
वाम एकताबारे सोधिएको प्रश्नमा उनले अहिले एकताको होइन, कांग्रेस, एमालेसहित सबै दलसँग आवश्यक विषयमा सहकार्य र समन्वय भइरहेको स्पष्ट पारे।
प्रचण्ड बुटवल कार्यक्रममा सहसंयोजक माधवकुमार नेपाल, वरिष्ठ नेता नारायणकाजी श्रेष्ठ, वर्षमान पुन, बलदेव खनाललगायत शीर्ष नेतासहित सहभागी भएका थिए।
