काठमाडौं, १५ असार । विशेष अदालतले सम्पत्ति शुद्धीकरण कसुरमा पक्राउ परेका नेकपा एमालेका उपाध्यक्ष विष्णु पौडेललाई थप तीन दिन हिरासतमा राखेर अनुसन्धान गर्न अनुमति दिएको छ ।
सोमबार न्यायाधीशहरू नारायणप्रसाद पौडेल, हेमन्त रावल र उमेश कोइरालाको इजलासले म्याद थपको आदेश दिएको हो । पौडेल असार ८ गते सुर्खेतबाट पक्राउ परेका थिए ।
यसअघि अदालतले सात दिन हिरासतमा राख्न अनुमति दिएको म्याद असार १४ गते सकिएपछि अनुसन्धानका लागि पुनः तीन दिन म्याद थप गरिएको हो ।
