काठमाडौं, १५ असार । गृहमन्त्री सुधन गुरुङले सार्वजनिक तथा निजी सवारीसाधनमा जडान गरिएका कालो सिसा हटाउने अभियानलाई तीव्र बनाउन ट्राफिक प्रहरीलाई निर्देशन दिएका छन् ।
सोमबार काठमाडौं उपत्यका ट्राफिक प्रहरी कार्यालय पुगेर उनले आफ्नै गाडीको कालो सिसा पनि हटाउन निर्देशन दिएका हुन् । असार १४ देखि ट्राफिक प्रहरीले उपत्यकामा कालो सिसाका स्टिकर हटाउने अभियान सञ्चालन गरिरहेको छ ।
कम्पनीबाटै कालो सिसा जडान भएका सवारीको हकमा सिसा परिवर्तन गर्ने विषयमा गाडी बिक्रेता कम्पनीहरूसँग पनि छलफल भइरहेको ट्राफिक प्रहरीले जनाएको छ ।
