सुनसरी, १५ असार । सुनसरीमा बढ्दो लागुऔषध कारोबारविरुद्ध प्रहरीले आइतबार सञ्चालन गरेको कारबाहीमा पाँच जना पक्राउ परेका छन् ।
धरान-२० को ओशो पार्कबाट ११६ ट्याब्लेट ट्रामाडोलसहित दुई जना, धरान–१८ घोपा क्षेत्रबाट २०७ ट्याब्लेट स्पास्मो र १० ट्याब्लेट ट्रामाडोलसहित एक जना पक्राउ परेका छन् ।
यस्तै, इटहरी–१ मा डेरा गरी बस्दै आएका दुई जनालाई १ ग्राम ३१० मिलिग्राम खैरो हेरोइन, १० ट्याब्लेट ट्रामाडोल तथा नगद २ लाख १० हजार ४३५ रुपैयाँसहित नियन्त्रणमा लिइएको प्रहरीले जनाएको छ ।
प्रहरीले पक्राउ परेका सबैमाथि लागुऔषध सम्बन्धी कसुरमा थप अनुसन्धान अघि बढाएको छ ।
