काठमाडौं, १२ असार । राष्ट्रिय स्वतन्त्र पार्टी -रास्वपा-को पहिलो महाधिवेशनमा महामन्त्री पदमा पराजित भएका नेता मनिष झाले निर्वाचन परिणाम स्वीकार गर्दै अब केन्द्रीय सदस्य र सांसदको भूमिकामा सक्रिय रहने बताएका छन् ।
उनले गुट र टिके राजनीतिक अभ्यास अन्त्य गर्ने उद्देश्यले निर्वाचनमा उम्मेदवारी दिएको उल्लेख गर्दै नेतृत्वले लोकतान्त्रिक प्रक्रिया अघि बढाएकोमा आभार व्यक्त गरेका छन् ।
साथै, महामन्त्रीमा निर्वाचित विपिन आचार्यलाई बधाई दिँदै आफ्नो अनुभव र क्षमताअनुसार सहयोग गर्ने प्रतिबद्धता जनाएका छन् ।
