काठमाडौं, १२ असार । नेपाली कम्युनिस्ट पार्टीका संयोजक पुष्पकमल दाहाल -प्रचण्ड- र सहसंयोजक माधवकुमार नेपालले शुक्रबार विराटनगरस्थित निवासमा नेपाली कांग्रेसका नेता डा. शेखर कोइरालासँग भेटवार्ता गरेका छन् ।
कोइरालाको सचिवालयका अनुसार तीन नेताबीच देशको समसामयिक राजनीतिक अवस्थाबारे छलफल भएको थियो ।
शुक्रबार नै कांग्रेस महामन्त्री गुरूराज घिमिरेले पनि कोइरालासँग भेट गर्दै पार्टीभित्रको विवाद समाधान र आसन्न १५औँ महाधिवेशनमा सबै पक्षको सहभागिताबारे कुराकानी गरेका थिए ।
