काठमाडौं, ११ असार । नेपाली कांग्रेसभित्र १५औँ महाधिवेशनलाई लक्षित गर्दै संस्थापन र इतर पक्षबीचको सहमतिको सम्भावना कमजोर बन्दै गएको छ ।
सभापति गगन थापासँग संवाद अघि नबढेपछि इतर पक्षले छुट्टै सम्पर्क कार्यालय खोल्ने तयारी गरेको छ । इतर पक्षका नेता मीनबहादुर विश्वकर्माका अनुसार महाधिवेशनको तयारी नेताहरूबीच समन्वय र भेटघाटका लागि काठमाडौँमा सम्पर्क कार्यालय स्थापना गर्न लागिएको हो ।
एक–दुई दिनभित्र कार्यालय सञ्चालनमा आउने बताइएको छ । उनले संस्थापन पक्षसँग पछिल्ला केही सातादेखि संवाद नभएको उल्लेख गर्दै डा. शेखर कोइराला समूहसमेत उक्त कार्यालयमा सहभागी हुने विश्वास व्यक्त गरेका छन् ।
