चितवन, १० असार । राष्ट्रिय स्वतन्त्र पार्टी -रास्वपा- को केन्द्रीय सदस्य निर्वाचनका लागि आज साँझ साढे ७ बजेदेखि मतदान सुरु हुने भएको छ ।
उम्मेदवारहरूको प्रारम्भिक नामावली सार्वजनिक भइसकेको छ भने साँझ ५ बजेसम्म दाबी–विरोध र ६ बजे अन्तिम नामावली प्रकाशन गरिनेछ ।
आइतबारदेखि सुरु भएको महाधिवेशनको कार्यतालिका लम्बिएसँगै बिहान ९ बजे सुरु हुने भनिएको मतदान ढिलाइ भएको हो ।
रास्वपाका प्रवक्ता मनिष झाले दोस्रो चरणको मतदान भोलि बिहान ९ बजे हुन सक्ने जानकारी दिएका छन् ।
