काठमाडौं, १० असार । मन्त्रालयको संख्या २२ बाट घटाएर १८ मा झारेको बालेन्द्र शाह नेतृत्वको सरकारले मन्त्रीहरूको स्वकीय सचिवालयमा कर्मचारी संख्या भने बढाएको छ ।
यसअघि ७ जना कर्मचारी राख्न पाइने व्यवस्थालाई बढाएर ९ जना पु¥याइएको छ । वैशाख २ गतेको मन्त्रिपरिषद् बैठकले निर्णय गरे पनि यसको कार्यान्वयन प्रक्रिया अहिले मात्र अघि बढाइएको हो ।
नयाँ व्यवस्थाअनुसार ऊर्जा, जलस्रोत तथा सिँचाइ, पूर्वाधार विकास तथा कृषि, वन तथा वातावरण मन्त्रालयले बढीमा ५ जना सल्लाहकार राख्न पाउनेछन् भने अन्य १५ मन्त्रालयले ३ जनासम्म सल्लाहकार नियुक्त गर्न सक्नेछन् ।
उपप्रधानमन्त्री र मन्त्री दुवैले सचिवालयमा ९ जना कर्मचारी राख्न पाउने व्यवस्था गरिएको छ । खर्च कटौती र सुशासनको प्रतिबद्धता जनाएको सरकारले स्वकीय सचिवालयमा कर्मचारी र सल्लाहकारको संख्या बढाएपछि आलोचना हुने सम्भावना बढेको छ ।
