काठमाडौं, १० असार । राष्ट्रिय स्वतन्त्र पार्टी -रास्वपा) ले विदेशमा रहेका प्रतिनिधिहरूलाई मोबाइल एपमार्फत मतदान गर्न सक्ने व्यवस्था गरेको छ ।
विदेशस्थित नेपाली सम्पर्क विभागबाट चयन भएका १६३ प्रतिनिधिमध्ये महाधिवेशनमा उपस्थित हुन नसक्नेहरूले मोबाइलबाट मतदान गर्न पाउनेछन् ।
महाधिवेशनमा प्रत्यक्ष सहभागी प्रतिनिधिहरूका लागि भने ८० वटा विद्युतीय मतदान मेसिनको व्यवस्था गरिएको रास्वपाले जनाएको छ ।
